Концерт в рамках проекта “Атайсал”

4май Белорет районы Үткәл ауылында үткән “Атайсал” проекты сиктәрендә, Ҡатай – тамьян ырыуҙары дуҫлығына һәм Бөйөк Еңеү көнөнә арналған ҙур байрам сараһы үтте.
Үткәл мәҙәниәт йорто хеҙмәткәрҙәре барлыҡ ҡунаҡтарҙы, яҡты йөҙ, алсаҡ күңел менән ҡаршы алды. Сара барышында үҙ эшмәкәр артистарының ҙур концерты булды. Билдәле йырсылар менән бер рәттән, йыр моңға, бейеүгә маһир булған милләттәштәребеҙҙең сығыштары күңелгә дәрт өҫтәне. Сермән күп тармаҡлы ауыл клубыла ситтә ҡалманы. Йәш йырсыбыҙ Нурзилә Ишмуратова үҙенең моңло тауышы менән сәхнә түрен биҙәп, мәҙәниәт йорто исеменә рәхмәт хаты менән бүләк алды.
Ырыуҙаштар осрашыуы һәр кемдең күңеленә хуш килде. Туғанлык ептәрен нығытыусы йыйын ысын мәғәнәһендә күркәм йолаға әйләнә бара. Киләһе йыл, ырыуҙаштар осрашыуы, байрам концерты Шығай ауылында уҙғарыласак.
Быуын – ара бәйләнештәрҙе нығытыу, ырыуҙаштарҙы берләштереүҙе маҡсат итеп ҡуйған Ранис Алтынбаевҡа ҙур рәхмәтебеҙҙе еткерәбеҙ.
#РДК_Белоречья#КультураБелоречья#СерменевскийСМФК